صبح و مسا ((من تاليفي))

صباحك ورد بعد ما انتي ما فقتي
ياللي بهواكي أنا قلبي اسرقتي
لما على عمري طليتي و مرقتي
بغرامك متل الشمس شرقتي
وحدو عشقك بيحلي وقتي
بيبعد عن عمري دموعي و مقتي
حبك ساحرني وبعمري فرقتي
وبعشقي انا تسبحتي غرقتي
رح حبك انا صبح و مسا
ياللي هواكي لا ما بنتسى
نساني همومي ونار الاسى
ابعد عن قلبك يا عمري خسى
ولو ما بشوفك يومية حدي
أنا هودي عيوني صدق ما بدي
بخيالي طيفك عم بيعدي
متل الورد وهو مندّي
يسعد مساكي بخير وبهنا
قلبي بهواكي وحلاكي اغتنى
من لما قلبك فيي اعتنى
نسيت التعب ودموع العنا
يا اجمل عشق واحلى ضنا
ياللي من عيونك بيلمع سنا
ولغيرون قلبي ما انحنى
رح ابقى حبك لحد الفنا
ورح حبك انا صبح ومسا
ياللي هواكي لا ما بينتسى
نساني همومي و نار الاسى
ابعد عن قلبك يا عمري خسى
ولو ما بشوفك يومية حدي
أنا هودي عيوني صدق ما بدي
بخيالي طيفك عم بيعدّي
متل الورد وهو مندّي[/color]

ميرسي الك بيبو

ياريت لو يلحن مروانو الغالي شي غنية انا مألفها

كتييييييييييييييير حلوه هالكلمات
وأنا حبيتها كتير
يعطيك العافيه
احساسك حلو

ميرسي الكم اماني وزهرة
اللي محلي هالاغاني
هو اعجابكم فيها