من طرف حنان مروان خورى الثلاثاء 09 ديسمبر 2008, 2:39 pmساعه واحده من هالعمر
ساعه واحده من هالعمر ..بكل هالايام..والشهور والسنين..ساعة شعر..وموسيقى واحاسيس ملحنه والغنايه
من بين كل ساعات هالحكى والاخبار والاحداث والتعب والركض والضجيج..وساعات التعب بتمرق تقيله..ولحظات الحزن اطول..والنطره بتجمد الوقت..وحده الوقت المشهول بالحب والجمال والموسيقى بيمرق خطف وبيبقى ..لانو بيسكن القلب والروح والوجدان
الحياة هيى هلاء ..اللحظه اللى عم تحب فيها وتفرح فيها وتعيش فيها ..ياريت تعطونى من وقتكم بس ساعه
ساعه تمرق كانها لحظه .. وتعيش بقلوبكم على طول
*****************************************************************
قصر الملكه
عطول بتخيل الموسيقى ملكه..بكل جمالها وهيبتها..بقصرها العالى ..حبيبة الشعب والبسطى..ورفيقة المفكرين والشعرا
عطول بشوف الطريق لقصر هالملكه طويل ..طويل..بس مليان زهور وطيور وعشاق وليل وقمر..
وناس كتير رايحين بصوب القصر..لعند الملكه اللى ما بتشبه ملكه تانيه..وسلطتها عالناس والقلوب مغزوله بالشوق والعطر والدفى والعذاب الحلو
انا رايح..وناس كتير رايحين..بس الواصلين قلال..قلال كتير متل فرسان القصص..
الملكه طيبه..ما بتمنع حدا يقطف من خيرات حديقتها..ويرتوى منها بعدها..بس انا بعرف ..وفى ناس قالولى ..ان اللى شافوا وجها واللى اتباركوا بهالتها ..اللى متل هالت القمر..كانوا قلال من اول الومان لهلاء
هودى بس بحسدن..وتكون متلن..قالولى انوا عالدرب انا وطالع لعندها ..رح اوصل مأخر
والتعب صديقى والدمع رفيقى..لانوا معها رح انسى كل تعبى
ورح تمسح بايدها جبينى ..وساعتها بس
يمكن يحكوا عنى الناس ..
بسهراتن..وجلساتن الحلوه
****************************************************************
الغنيه بتضل اجمل من الحياة
مروان :"غريب..مش عم تروحى من بالى من ليلة امبارح..من لحطه اللى شفتك فيها
نظرتك..شكلك..طريقة مشيتك..فيكى سحر غريب..معقول يكون حبيتك بهالسرعه..
قلب مروان:"كذاب..انت بس متهيألك..كل مره بتقول لحالك هالحكى..
انت كل ما شوفت مرا حلوه بتتغرم فيها
مروان:"لالا هالمره غير انا اكيد حبيت
قلب مروان:"انت ولا مره حبيت..انت بتحب الحاله..هالاحساس الجديد اللى عم يرجع يحرك فيك الحياة ..انت بااخرة النهار فنان..بدك تحس باشيا جديده ..تتطلع موسيقى وافكار جديده ..انتوا الفنانين بتعيشوا فى الوهم وبتعايشوا الناس معكم
مروان:"بتعرفى؟؟..حياة الفنان اغانيه..والغنيه بتضل اجمل من الحياة
****************************************************************
من دون قصد..ما بتكذبى
تتذكرى..كانت اخر مره سوى ..وسالتك وقتاه اذا عنجد بتحبينى..ما رديتى
مشيتى صوب الشباك عالهدى..وقفتى..وجك للمدى.. صوب المنظر اللى بيطل عالمدينه والبحر..وكان الجو البرد..والدنى شتى وليل..صورة مخرج رائع..لغنيه غنيناها ع مدى سنتين
وجك اللى القريب من الشباك..ونفسك المتقطع عا برد الزجاج..رسم هاله صغيره بتشبه سؤالى وقتها..رسمتى باصبعك عليها شكل قلب..جواته حرفين..اسمك واسمى..
وبالسرعه اللى اتشكلت فيها الرسمه..انمحى القلب..والحرفين..
ومن بين كل الاشيا اللى اتشاركناها انا وانتى ..الهدايا والصور والوراق ما بقى الا بذاكرتين..الا هالمشهد
بتعرفى ليش؟؟..لانك خلال سنتين..هى اول مره بتقولى الحقيقه..من دون قصد..ما بتكذبى
****************************************************************
النغم
النغم او الميلوديا او الميلودى...هالنغمه البسيطه الجميله القريب للسمع والقلب
اللى بتقدر تحفظها وتترددها.. هالميزه اللى بتطبع موسيقتنا الشرقيه بشكل خاص
الميلوديا اللى بتشبه حدا بنعرفه..
وجه مألوف لشخص بنحبه..بتدخل على قلبك..من دون اذن
قبل ما تطال عقلك وفكرك
وصانع هالنغم..فنان..قادر يبتكر جمله جديده وبسيطه..تشبه بتركيبتها المألوف
وهادى بحد ذاتها..
عبقريه..الفنان العبقرى هوى اللى بيصنع السهل الممتنع
بس اهم من هودى كلهن..برأى انا..انو الميلوديا هيه صناعة عالم
بيحلم و بينبض بالبراءه
عالمنا من الزمن الماضى..جاب معه اروع النغمات
خوفى على زمانا الحالى..بابتعاده عن الحلم..وبالتخليه عن البراءه..
انو يخسر كتيير من روح الميلوديا..اللى رح تضل
تعبر عن طيبة وروعة القلب البشرى
****************************************************************
يارفيقتى الزهره...ياصاحبى العصفور..
ياهالشمس..والناس وكل شى انخلق من نور
يا حلوتى هالارض..اللى بدور من الفرح..وبالهم عم بدور
يا بيوت بالالفى ..بتساع كل قصور
مين اللى رسم الحدود..مين اللى علا سدود
كذبى الانا كذبه..بتعيش بالغربه
عكس الانا.. هالروح لا تحبسها بعلبه
انت وانا وهيى..بالكون غنيه
والناس ملهيه ..بالماضى الحلو تيعود
وبكرى عاجنح الغيم يحقق معه الوعود
قصر السعاده وهم..ضيعه ما الها وجود
بيت الفرح هالقلب..والحب مش محدود
لا تصدق ياللى بيفرق وبيسود..
صدق ياللى بيوحد الكلمه..وما بيسألك عن اسمك واسمى
سامع هدير هالنهر..راجع لصوب البحر..حامل معه هالناس
وضو القمر والزهر
ولولا الورد بيفل..بكرى العطر بيضل
وانت وانا مشوار..بدو يجى شى نهار..يخلص..ويصير غبار
بيعبى الفضا تيعود
وضحك الطفل مولود
****************************************************************
ساعه واحده من هالعمر ..بكل هالايام..والشهور والسنين..ساعة شعر..وموسيقى واحاسيس ملحنه والغنايه
من بين كل ساعات هالحكى والاخبار والاحداث والتعب والركض والضجيج..وساعات التعب بتمرق تقيله..ولحظات الحزن اطول..والنطره بتجمد الوقت..وحده الوقت المشهول بالحب والجمال والموسيقى بيمرق خطف وبيبقى ..لانو بيسكن القلب والروح والوجدان
الحياة هيى هلاء ..اللحظه اللى عم تحب فيها وتفرح فيها وتعيش فيها ..ياريت تعطونى من وقتكم بس ساعه
ساعه تمرق كانها لحظه .. وتعيش بقلوبكم على طول
*****************************************************************
قصر الملكه
عطول بتخيل الموسيقى ملكه..بكل جمالها وهيبتها..بقصرها العالى ..حبيبة الشعب والبسطى..ورفيقة المفكرين والشعرا
عطول بشوف الطريق لقصر هالملكه طويل ..طويل..بس مليان زهور وطيور وعشاق وليل وقمر..
وناس كتير رايحين بصوب القصر..لعند الملكه اللى ما بتشبه ملكه تانيه..وسلطتها عالناس والقلوب مغزوله بالشوق والعطر والدفى والعذاب الحلو
انا رايح..وناس كتير رايحين..بس الواصلين قلال..قلال كتير متل فرسان القصص..
الملكه طيبه..ما بتمنع حدا يقطف من خيرات حديقتها..ويرتوى منها بعدها..بس انا بعرف ..وفى ناس قالولى ..ان اللى شافوا وجها واللى اتباركوا بهالتها ..اللى متل هالت القمر..كانوا قلال من اول الومان لهلاء
هودى بس بحسدن..وتكون متلن..قالولى انوا عالدرب انا وطالع لعندها ..رح اوصل مأخر
والتعب صديقى والدمع رفيقى..لانوا معها رح انسى كل تعبى
ورح تمسح بايدها جبينى ..وساعتها بس
يمكن يحكوا عنى الناس ..
بسهراتن..وجلساتن الحلوه
****************************************************************
الغنيه بتضل اجمل من الحياة
مروان :"غريب..مش عم تروحى من بالى من ليلة امبارح..من لحطه اللى شفتك فيها
نظرتك..شكلك..طريقة مشيتك..فيكى سحر غريب..معقول يكون حبيتك بهالسرعه..
قلب مروان:"كذاب..انت بس متهيألك..كل مره بتقول لحالك هالحكى..
انت كل ما شوفت مرا حلوه بتتغرم فيها
مروان:"لالا هالمره غير انا اكيد حبيت
قلب مروان:"انت ولا مره حبيت..انت بتحب الحاله..هالاحساس الجديد اللى عم يرجع يحرك فيك الحياة ..انت بااخرة النهار فنان..بدك تحس باشيا جديده ..تتطلع موسيقى وافكار جديده ..انتوا الفنانين بتعيشوا فى الوهم وبتعايشوا الناس معكم
مروان:"بتعرفى؟؟..حياة الفنان اغانيه..والغنيه بتضل اجمل من الحياة
****************************************************************
من دون قصد..ما بتكذبى
تتذكرى..كانت اخر مره سوى ..وسالتك وقتاه اذا عنجد بتحبينى..ما رديتى
مشيتى صوب الشباك عالهدى..وقفتى..وجك للمدى.. صوب المنظر اللى بيطل عالمدينه والبحر..وكان الجو البرد..والدنى شتى وليل..صورة مخرج رائع..لغنيه غنيناها ع مدى سنتين
وجك اللى القريب من الشباك..ونفسك المتقطع عا برد الزجاج..رسم هاله صغيره بتشبه سؤالى وقتها..رسمتى باصبعك عليها شكل قلب..جواته حرفين..اسمك واسمى..
وبالسرعه اللى اتشكلت فيها الرسمه..انمحى القلب..والحرفين..
ومن بين كل الاشيا اللى اتشاركناها انا وانتى ..الهدايا والصور والوراق ما بقى الا بذاكرتين..الا هالمشهد
بتعرفى ليش؟؟..لانك خلال سنتين..هى اول مره بتقولى الحقيقه..من دون قصد..ما بتكذبى
****************************************************************
النغم
النغم او الميلوديا او الميلودى...هالنغمه البسيطه الجميله القريب للسمع والقلب
اللى بتقدر تحفظها وتترددها.. هالميزه اللى بتطبع موسيقتنا الشرقيه بشكل خاص
الميلوديا اللى بتشبه حدا بنعرفه..
وجه مألوف لشخص بنحبه..بتدخل على قلبك..من دون اذن
قبل ما تطال عقلك وفكرك
وصانع هالنغم..فنان..قادر يبتكر جمله جديده وبسيطه..تشبه بتركيبتها المألوف
وهادى بحد ذاتها..
عبقريه..الفنان العبقرى هوى اللى بيصنع السهل الممتنع
بس اهم من هودى كلهن..برأى انا..انو الميلوديا هيه صناعة عالم
بيحلم و بينبض بالبراءه
عالمنا من الزمن الماضى..جاب معه اروع النغمات
خوفى على زمانا الحالى..بابتعاده عن الحلم..وبالتخليه عن البراءه..
انو يخسر كتيير من روح الميلوديا..اللى رح تضل
تعبر عن طيبة وروعة القلب البشرى
****************************************************************
يارفيقتى الزهره...ياصاحبى العصفور..
ياهالشمس..والناس وكل شى انخلق من نور
يا حلوتى هالارض..اللى بدور من الفرح..وبالهم عم بدور
يا بيوت بالالفى ..بتساع كل قصور
مين اللى رسم الحدود..مين اللى علا سدود
كذبى الانا كذبه..بتعيش بالغربه
عكس الانا.. هالروح لا تحبسها بعلبه
انت وانا وهيى..بالكون غنيه
والناس ملهيه ..بالماضى الحلو تيعود
وبكرى عاجنح الغيم يحقق معه الوعود
قصر السعاده وهم..ضيعه ما الها وجود
بيت الفرح هالقلب..والحب مش محدود
لا تصدق ياللى بيفرق وبيسود..
صدق ياللى بيوحد الكلمه..وما بيسألك عن اسمك واسمى
سامع هدير هالنهر..راجع لصوب البحر..حامل معه هالناس
وضو القمر والزهر
ولولا الورد بيفل..بكرى العطر بيضل
وانت وانا مشوار..بدو يجى شى نهار..يخلص..ويصير غبار
بيعبى الفضا تيعود
وضحك الطفل مولود
****************************************************************
