من طرف *** أدري ***
أدري .. أدري السبب مني
بس الهوى يا ما جرحني زمان
مخيب يا ما ظني
..
أدري أنا لسويتو بيك .. ماهو عدل
بس الألم بكاني مثلك .. من قبل
تدري أنا عندي عذر .. منك أنا ما أعتذر
ولا تنجرح مني
..
أنا والآآآآه .. بقينا أصحاب
وجرحي طال .. لكن ما طاب
ياريتو زمان .. سقاني حنان .. بدل الأحزان
هواك أنت
..
أنا المظلوم مايوم تلوم ياحبيبي
وأنا اللي معاك لقيتو نصيبي
.............................................................
*** فكرت نسيت ***
فكرت نسيت .. شو الحب .. كيف بيبقى
فكرت نسيت .. حتى صوت الدقة
عذبني القلب .. ماعاد بدي اشقى
فكرت نسيت
..
قدامي .. شفتك قدامي
أحلامي .. رجعت أحلامي
بالشوق .. تضحك إيامي
والقلب يدوب ويغار
..
وحياتك حبيتك أكتر .. ماحدا بهالدنيي بيتصور
تاري الحب عليي مقدر
وهالمرة أكيد
حبيتك والقلب مسكر .. ولا لحظة أنا كنت مفكر
إرجع حن وإرجع اسهر
وحب من جديد
..
فكرت الحب .. كلمة على ورقة
بكتبها اليوم .. بمحيها ما بتبقى
تاري الأشواق .. ع طول بتطل سرقة
فكرت نسيت
............................................................
*** تعودت عليك ***
تعودت عليك .. ياحبيبي
على ظلمك أنت .. وع الحنيي
على ضحكة مرة .. ودمعة مرة
على كل شيء .. عملتو فيي
تعودت عليك .. وياخسارة
متل معلق بسيجارة
بيدوب فيها وبيدوب بدخانا وبنارا
وبالاخر .. تدوب فيه هيي
.............................................................
*** وطي صوتك ***
رح قلك كلمتين .. كلمتين اتنين
وطي صوتك
رح بحكي ع الهدا .. تما يسمعنا حدا
وأنتي تسمعيني
وطي صوتك
..
شو بدك بالصريخ
شو بدك بالعياط
تعي تنتتفاهم .. أنا وأنتي
قصة وبديناها
شو خص الجيران
وحدنا مننهيها .. أنا وأنتي
..
تعبانة صرلك مدة .. تحكيني وبتحتدي
محتاجة يمكن للتغيير
هدي أعصابك هدي .. منك تعبانة قدي
من الوضع وهمي كتير كبير
..
لو فكرك لما تعلي .. بعيوني تصفي أحلى
والحق بإيدك رح بيصير
أو فكرك صوتك عالي .. لو مهما صوتك يعلى
صوتي أعلى منك بكتير
.............................................................
*** تم النصيب ***
تم النصيب ودام الفرح عنا ليالي
وأحلى عروس بهالدني صارت حلالي
ريتو يسلم هالقد .. صرتي مرتي عن جد
أنا مش عم صدق حالي
..
نوم الهنا قومي نامي .. نامي وحطي راسك ع كتافي
بكرا صباحك خير وحب وهنا .. ياعيوني وعوافي
...
صرتي بداري ودار الهنا .. وإن صابك ضنا
حدك لا تخافي
غير كلمة حبيتك أنا .. مش رح يطلع ع شفافي
وضلي لحضني الدافي
...
تم النصيب وعمر صرلي ناطر
و ليلة شبكني الهوى والله الهوى شاطر
نساني الل قبلك كان .. أعلق والله ماكان
ع البال ولا ع الخاطر
...
غلي بقلبي ونامي بحضني ..وخليني جوا بقلبك غافي
وسقيني ع طول المدا .. من نبع الحب الصافي
وضلي لحضني الدافي
.............................................................
*** مش خايف علبنان ***
بكرا ما بعرف شو اللي ناطرني
وإنت شو جايي تقول وتخبرني
إنو البلد مرتاح .. بعدو القمر ماراح
قاعد ع تلة فوق فوق ضياعنا الحلوين
خلف الضحك وهمومنا المنسية
خلف السهر والليل والغنية
بعدو الماضي الحزين .. بيجرح الحنين
وأصوات عم بتئن خلف وجوه منسيين
..
مش خايف علبنان .. عالأرض وعالمصير
أنا خايف عالإنسان .. عالخير وعالضمير
..
مش خايف عالبيوت .. عالرمل وعالشطوط
خايف جوات الناس الحلم يموت
مش خايف من حروب .. خايف حجر القلوب
يعمر سلم . يكتب وطن مغلوب
...
بعرف أنا كتر الوجع غيرنا
هب الهوى ومتل الورق صيرنا
وبغمرة الأحزان .. دورنا عالنسيان
نسينا شو أصل الآآه حيرنا اللي عم بيصير
..
بس الألم مرات بيكبرنا
ومنخلق من رماد لولا قدرنا
نكبر ع الأحزان .. نحلم سوى بلبنان
لبنان يللي كان واللي بيوم رح بيصير
.............................................................
*** مش كل مين غنى ***
مش كل مين غنى غنية .. عالحب وعالرومانسية
يعني في بقلبو مشاعر
وبإيدو حامل وردي
ولا كل مين ركب كلام .. بيحكي عن لو عة غرام
منقلو شاعر وقادر
بلحظة يطول الردي
ولا كل مين قلك حياتي .. ياروحي وقلبي وعينيي
يعني بيحبك قدي
...
مش كل مين قلك عواطف .. وغيرك يا روحي مني شايف
ولما بتهب العواصف
يوقع من أول تحدي
...
أنا لما بقلك حياتي .. من قلبي بتطلع ياحياتي
يل حبك كل حكاياتي
ولعندك صوتي بودي
.............................................................
*** راجعين ***
راجعين نتلاقى سوى .. راجعين
راجعين نتحاكى سوى .. راجعين
مشتاقين رح نرجع
مجروحين شو بيمنع
المهم سوى نضحك سوى .. نبكي ونتوجع
راجعين من بعد الزعل بسنين راجعين
وعارفين ما إلنا غنى ياسنين وعارفين
لا النسيان رح ينفع
ومهما نروح رح نرجع
نجمع سوى قلبين .. نمسح عين عم تدمع
...
ضيعنا غناني كتيري .. ودبلت ع غيابك زهرة
رجعها لفية حضنك .. وإسقيها بيطول عمرا
ليك البعد دوبنا .. إرتاح الهم وتعبنا
بعدنا تصار الليل .. والغربة حبايبنا
.............................................................
*** رقصة ***
عندك رقصة بتسحر القلوب
بتخليني رح دوب
بتولع فيي الغيري .. ياعيوني وبتجنن
عندك نظرة بتشغل هالقلب
بتخليني ع درب
ناطر لوحدي خايف .. هيك ومش متطمن
ميلي قبالي طيري ولا تطيري
عندك رقصة .. عندك رقصة ....
...
ناطر عندك صرلي شهرين
موعود ووعدك دين
ماكنتي توفي بوعدك .. ولا مرة وتحني
والل بيحبك بدو قلبين
ينطر بدو عمرين
ضايع ياروحي .. بين النار وبين الجنة
..
ميلي قبالي وطيري ولا تطيري
وعني يا زغيري .. عيونك لا تديري
رقصاتك كلا هم وغيري .. وغناني وحيري
وفنون كتيري
ميلي قبالي وطيري ولا تطيري
وعني يا زغيري .. عيونك لا تديري
لفتاتك كلا هم وغيري .. وغناني وحيري
وفنون كتيري
.............................................................
*** الحدود ( خدني على بلاد ) ***
مرات الحدود .. بتفرق الناس
وبتعمر سدود .. باسم الوطنية مرات
ومرات الهوية .. بتغرق الناس
ببحور الحروب .. ع اسم القضية مرات
..
خدني على بلاد .. مافيها بيارق
مافيها مداخل .. ولا فيها حراس
خدني على بلاد .. مافيها اسامي
مزروعة حرية .. بتساع كل الناس
...
ليك الشجر ورقو ارتمى وغل بهوى تشرين
ليك القمر ضوى السما وما بيسألك لمين
ضوي أنا .. وسهري أنا
وجرح القصب بيدهب بقلب الناي الحنين
..
شو حلوي الأغاني .. بتقرب الناس
وبتمحي الحدود .. هيي لغة النغمات
مش كلمة الأغاني .. الغنية إحساس
دنيي بلا حدود .. هيي المشاعر بالذات
.............................................................
هاد نقلتو ساعتين واكتر وانا عم اكتب الاغاني
من غلاف الالبوم ومع صوت مروان ع اذني
مع كل اغنية
انشالله اكون قدمت شئ لكم
تحياتي
< amma >
عدل سابقا من قبل < amma > في الأربعاء 28 أبريل 2010, 3:59 am عدل 1 مرات
