حوار عن مروان خوري باحدى المنتديات

الموضوع كان اسمو
رسالة الى مروان خوري
انا حطيت الموضوع والردود وشوفو قديش مروان لو معجبين وناس باحبرمو وبتقدروا

عندما تنظر الى السماء لتشاهد النجوم ..
دائما تلاحظ ان هنالك نجم واحد بين كل تلك الالاف له لمعة خاصة
و يجذب عينيك دون غيرها من النجوم
و مروان خوري المطرب اللبناني
هو ذاك النجم المتميز بين الالاف النجوم التي تدعي اصلا انها نجوم

سمعت له اسطوانته الاولى عندما طرحها حتى انني انزلت موضوعا عنه على ما اذكر في المنتدى هنا طلبا لاغنياته قبل ان تنشر على الانترنت

و البارحة سمعت له اسطوانته الثانية ( كل القصايد )
فن راق بكل ما تحمله الكلمة من معنى
فهو المؤلف و الملحن و المغني
كل العناصر الجميلة تجتمع فيه
الصوت الحسن ... الاداء ....و الكلمة

حقا انه فنان يستحق التحية و كلماتي هذه له عربون اعجاب و تقدير لفنه الراقي

دائما الافضل يبقى حتى ولو كانت خطواته بطيئة

اما من يبحث عن الشهرة السريعة فحتما انه سيسقط

تحية لك مروان خوري و تحية لفنك للجميل اقولها لك مع باقة ورد

و اتمنى لك المزيد من التطور و التقدم

ملاحظة اخيرة اذكرها لكم : كل اغنيات الالبوم من تاليفه و الحانه

أخي نار البحر ..........

أضم صوتي إلى صوتك - وهذا ما افعله دائما - .....
فمروان خوري بإيجاز قدم الفن العربي الحديث الراقي بعيدا على الشخلعة كما يقولون ...



..و بالفعل ..كل شي قلتو صحيح..
فعلا" نجم بيلمع بين أكوام من الضباب ..


الصراحة انا مو سمعان في و لما قريت العنوان افتكرتك عم تحكي عن مروان خوري مدرب نادي تشرين بس يبدو اني غلطان

طيب حطولنا كم غنية لالو مشان نسمعهم ؟؟

سلام



"دائما الافضل يبقى حتى ولو كانت خطواته بطيئة "



--------------------------------------------------------------------------------
نعم اخي همبرغر مروان خوري قدم فنا جميلا للشباب الراكض وراء الاغنية السريعة و لكن بشكل راق و جميل بعيدا عن الكلمات الغير مفهومة و المكررة و بعيدا عن الالحان المكررة

نعم سول نجم بين الاف النجوم يكون له رونق خاص و لمعة خاصة فيكون قادرا على جذب اعيننا اليه دون غيرها من النجوم

زعبور افندي كنت بدي قول عنك دمك سميك بس ما قلت لك يا خيو ادخل على جوجل و اعمل بحث بتلاقي مليون موقع فيه اغانيه او ادخل على موقع 6rb.com رح تسمع اغانيه موجودة بقسم الاغاني اللبنانية و بعدها عطينا رايك

نعم اخي الدخيل الافضل يبقى دائما و ما دونه ينتهي صدقت

شكرا لك اخي شانت للتنويه فقط الاغاني موجودة في موقع 6rb ايضا

تحياتي لكل المشاركين في الموضوع


اي ما انا بدي شي على الجاهز لانو الصراحة ملّ قلبي من التدوير على شغلات بالانترنت على كل و لا منيتك هي اخ ناش حط اغاني

سلام



--------------------------------------------------------------------------------
اختيار موفق لكاتب وملحن ومغن مميز ..

سمعت منذ يومين تقريباً أغنية ( كل القصايد ) ومازلت أسمعها كثيراً مؤخراً .. أغنية جميلة .. لحناً ، كلماتاً ، وأداءً ..




" كل القصايد "


آه ٍ على قلب هواه محكم ..


فاض الجوى منه فظلما ًيكتم ..


ويحي انا بحت لها بسره ..


أشكو لها قلباً بنارها مغرم ..


ولمحت من عينيها ناري وحرقتي ..


قالت على قلبي هواها محرم ..


كانت حياتي فلما بانت بنأيها ..


صار الردى ، آه ٍ علي أرحم ..



كل القصايد من حلا عينيك ..


من دفا إيديك ..


كتبتون وقلتون ..


هودي القصايد مش حكي ياروحي ..


هو بكي القصايد ..


هو ليكي كلون ..



هودي الأغاني غرام سنين..


هودي دموع ونغم وحنين ..


هودي أيامي معا ..


قلبي اللي بيوجعا ..


أنا لولا الهوى أنا مين ..


شكراً نار البحر على الاختيار وأوقع أيضاً على تلك الرسالة إلى مروان خوري ..



أخي نار البحر
بالفعل فنان رائع ويستحق التقدير
والو كتير أغاني من الحانو وكلماتو بصوت الفنان الرائع فضل شاكر




قال انا مفكرة حالي لحالي مكتشفة انو هالزلمة فنان
صح ان مروان خوري مااخد حقه من الشهرة اللي بيستاهلها , لكنه فعلا فنان مبدع , عنده جمل موسيقية غريبة وجميلة متل غنية " خدني معك " , اول كم جملة كل مابعرف ليش كل ما بسمعها بتخيل علاء الدين على بساط الريح ( بلا معنى ) عم يطير فوق قباب اصفهان

" كل القصايد " اول ماسمعتها صرت دور على اسم هالكاتب الفذ , وطلع مروان

ولاحظت مرارا ان كل اغنية حلوة لمطرب او مطربة تحمل توقيع مروان خوري , متل اغنية " مغرم " لـ جاد نحلة
" اطلع فيي هيك " لـ كارول سماحة

والكثير الكثير

مو المهم الشهرة المهم ان الفنان الحقيقي طريقه مفتوح الى قلوب المستمعين

وشكرا نار البحر باسم مروان خوري


سوس شكرا لك لكتابة كلمات القصيدة و لكن ما اريد ان اتاكد منه هو هل بداية الكلمات هي لاحد شعراء الجاهلية و ربما لعنتر بن شداد لانه في الاغنية الاخيرة من الالبوم يقوم مروان خوري باستعارة بعض ابياته من قصيدته اني ذكرتك و الرماح نواهل مني

فاذا كانت هذه القصيدة لمروان فهذا يعني انه ابدع جدا و جدا و اذا كانت لا فمجرد استعارته لها هو ذكاء جميل جدا و استخدام موفق

شكرا للتوقيع و ضم صوتك

عاشقة كاظم هذا ما نسيت قوله و هو ان مروان خوري يلحن و يكتب الكلمات لكثير من المطربين

شكرا لك للمشاركة

قمر الشام نعم صدقتي

مو المهم الشهرة المهم انو الفنان الحقيقي بيوصل الى قلوب المستمعين

بتعرفي جاي على بالي رغم اني ما بتابع اغاني ابدا تقريبا بسبب ظروف عملي
اني نزل موضوع عن ( المغنين الجدد ) اللي كل يوم بينزل واحد منهم على قناة مزيكا و لا ميلودي و لا التانية ما بعرف شو اسمها
بحيث انو يكون هل الموضوع مكان للنظر في امرهم و اخر اغانيهم الهابطة
يمكن هل الشي يشكل شوية وعي عند اللي بسمعوهم

هه على ذكر الاغاني الهابطة او اللي ما الها معنى
مرة عم قلب بالتلفزيون و اذ بتطلع غنية سامو زين قربي لي
فقمت و قلبت المحطة فقام نط و ما حط اخي قلي لك خليه هي الغنية بحبها و حلوة بدي اسمعها
المهم رجعت على المحطة و اضطررت اسمعها معه

اما الشي اللي لاحظته بتعرفوا شو هو

انو الغنية من اولها لاخرها قربي لي خدي عينيا و فيها جملة تانية بس
حاولوا تسمعوها وشوفوا الزخم الكبير من الجمل و التعابير فيها
و هل الفقر بالكلمات ان دل على شيء انما يدل على انها صايرة الاغاني اغاني الحان ليس الا

اي حاجتني هون حكي رح روح على موضوع تاني


الحقيقة انه مروان خوري مبدع
و اغنية كل القصايد بتحملك معها و بتعيشك بجو تاني
وشكرا لكم و شكرا اخي جمال


و انا ايضا اوفقكم الراي لانو و بكل صراحه كل القصائد اغنيه جميله جدا من الكلمات و حتى اللحن ...
و اتصور انو مروان امامه مستقبل مشرق ...
يسلموو على الموضووع ...




مرحبا

أول شي أكيد مروان خوري فنان عنجد، حضرت مرة برنامج يستضيف عادة المغني و المؤلف و الملحن يعني كل فريق العمل تبع الألبوم إلا في حلقة مروان خوري كان جاية لحاله لأنه هو بيمثل كل هدول! و أذكر أنه تلقى اتصال من الفنانة ماجدة الرومي هنأته على الألبوم و تمنت منه يحافظ على تميزه بأعماله..

زعبور الأغنية كتيييير حلوة

أنا سمعانتها من زمان لهلأ نغمتها و الخشخشة اللي فيها بأدني كأنه هلأ عم اسمعها..

الكاسيت تبع هالفنان كله حلو و إذا ما عندك يا بنصحك تجيبه لأنه كتير حلو و أكيد إذا عجبتك هالغنية لح يعجبك كله..



بصراحه البوم مروان خوري كتير حلو - -
و من يوم ما نزل على السوق و انا كل يوم بسمعو - - -
و شكرا الكون على الموضوع الجميل بحقق فنان رائع بنظري -



رسالة الى مروان خوري الرائع

من جديد تتحفنا بالبومك الرائع قصر الغرام

و من جديد تظهر لنا جمالية اللغة العربية في اغنية يا من بدمعي

هذا هو الفن الاصيل الراقي

جمالو كيفك اول الشي ... لك وبعدين الالبوم اسمو قصر الشــــوق ..

اهلين عزيز ....يا سيدي شكرا للتنويه

مش مختلفين على العنوان المهم هو المضمون

شلون رايك فيه ؟


أنا من اشد معجبين مروان خوري,بالقليلة هوي تقريبا الفنان الوحيد الي حافظ على اصالة و رقي اغانيه وحافظ على مستواه بهيك زمن انحدر فيه الفن لابعد مستوى وانعدم فيه الشرف وما عاد في معنى للاغاني
عنجد انا بحترمو وبحترم كل فنان جديد طالع بيقدر الاصالة بالغنى و بيحترم حالو

يمكن موضوع ما قلو لوزوم
زلكن حبيت تشوفو شو بينتكتب عن مروان خوري
وقديش في ناس بتحبو وبتحبرمو

شكرا بلال على الموضوع المميز
يسلمو

واو.....موضوع ممتاز
تسلم بلال ... هذا تاكيد جديد
اكيد انو فيه كثير من الناس اللي تعشق
الفن الجميل الحقيقي ... والحمد لله وربنا يزيد فيهم
لان مروان يستاهل الشكر والاعتراف كل دقيقه وكل لحظه...

جميل جدا ان نرى هذه التعاليق .. وهذه الاعترافات الجميله
الممتعه ...الحمد لله على ذوق الكثير من الناس اللي ما زال
بالف خير ... والحمد لله انو بعث لنا فنان حقيقي في هذا العصر
اللي كنا فيه يائسين بعد ان رحلت الاغلبيه من منارات الفن
والابداع ...

الف شكر لله والف شكر لك يا مروان.....

تسلم بلال موضوعك رائع
:))°°((:

ردك وكلامك يا زهر غطى على كل الكلام يللي نشرتو
عنجد كلامك روعة زهر شكرا اللك
ونهى مرسي كتير اللك على الرد الروعة

الموضوع عجبني كتير
ومروان يستحق النجاح وبجدارة
يسلمو كتير

مروان بيستحق محبة العالم الو و شي بيفرح انو يكون عندو هيك جمهور و هيك ناس تحترم فنو و انجازاتو
شكرا بلال

موضوع رائع بلال
و كلام الناس عن مروان و فنو يزيدني فخر كل يوم اني من فانس ارقى و احلى فنان بالعالم
ربي يحفظو لينا و للفن الاصيل

طبعا مروان دايما كبييير بنظر الكل
ومشكورين اعضاء المنتدى لأنهم حكو عن مروان واحد انيق

شكرا لك بلال والله

شكرا بلال
موضوع روعة.. والله احنا كلنا فخر بأننا من عشاق مروان
يعني انا شخصيا كلما اقرا مقالة عنه أو حوار أله .. يكبر اكتر واكتر بقلبي يوم بعد يوم
شكرا يا بلال .. الله يزيد هالمعجبين و الذواقين الحقيقيين

يسلمووووووو عالموضوع الحلو وفننا كبير بفنو وبمحبة الناس الو ولفنو شكرا خيال العمر

موضوع رائع
وصف مروان بيعطيه شوي من حقو وآراء المعجبين بمروان بتنبسطنا
انا قريت هالموضوع من سنتين وكتير اعجبني
تسلم دياتك بلالو ع المجهود لكبير

يسلمووووووووووو بلال عا الموضوع وأكيد في كتار من الناس بتحب مروان كتيييييييييييير

هاد الحوار قرأته من زمان وهو بمنتدى سوري على ما اتذكر
مروان الكل
الآن عرف أسمه وما بقى خافي على حدى
بس غلط كاتب الموضوع بكلمة يدعون
أنهم نجوم
هاد الكلام خطأ وتعميمي وظالم .. فيه مطربين درسوا الموسيقا وأخذوا شهادات
وقادرين على التلحين والكتابة وصوتهم ولا أروع واستمروا على نهج جميل بالفن
مثل مروان


ما فيننا نقول عنهم يدعون نجومية


أذكر منهم


صابر الرباعي معين شريف فضل شاكر وائل جسار
شكرا بلال وعذرا لتقطع ارسال الرد

تسلم بلال عالموضوع
والله هذا كلام بيفرح عن مروان