هاتى عريس فى ايدك و انتى جاية

السلام عليكم ورحمة الله وبركاته


ازيكم يا جماعة عاملين ايه كويسين طب الحمد لله انى اطمنت عليكم
ههههههههههههههههههههههههههه
:=++: :=++: :=++:


الموضوع وما فيه


انى قريت الموضوع ده على منتدى تانى


ومن صدمتى من انطباعه عليا جالى حالة هيستريا



وحتى لما خليت ماما تقراه كنت متيقنة انى انا اللى كتبته




انا هعرضه عليكم دلوقتى


واتمنى تناقش فيه


اسيبكم مع الموضوع



يفتح الستار على موال كل يوم
انا راجعة من الصيدلية لقيت ماما فى اوضتها بتتفرج على التليفزيزن و متنكدة


انا : انا جيت يا مامتى ، ايه مالك مين زعلك ؟؟


ماما : محدش زعلنى ، بنت خالتك خطوبتها الاسبوع الجاى


انا : الف مبروك و الله هاروح بقى اكلمها اباركلها ، بس هى دى حاجة تزعلك


ماما : بنت خالتك اصغر منك ب 6 سنين و خلاص هاتتجوز :


انا : طيب يا ماما و ماله كل شىء قسمة و نصيب ، و انا لما هايجيلى نصيبى هاتجوز


ماما : يا بنتى نفسى اشوف ولادك قبل ما اموت


انا : يا دى النيلة يا ماما بعد الشر عليكى و بعدين هو انا كل يوم لازم اسمع نفس الموشح


ماما : كلامى مش عاجبك واقف فى زورك ، يا بنتى العمر بيجرى ،
و انا مش هاعيش قد ماعشت ، عايزة اطمن عليكى


انا : يا ماما مش يمكن اموت انا الاول و بعدين لو ربنا رايد انى اتجوز هاتجوز


ماما : يا بنتى الملافظ سعد بعد الشر عليكى ربنا يجعل يومى قبل يومك ،
بس اخرجى شوفى الناس ، اتفسحى ، خلى الناس تشوفك فى الشارع


انا : يعنى امشى احط يافطة مطلوب عريس ؟؟؟؟؟
انتى عارفة انى مابحبش جواز الصالونات و ساعات بوافق اشوف اى عريس علشانك


ماما : مهو طول ما انتى قاعدة بوزى فى بوزك
او قاعدالى على المخروب اللى اسمه النت مش هاتتجوزى


انا : استغفر الله العظيم مال النت و مال الجواز


ماما : صحابك كلهم اتجوزوا ووولادهم بقوا فى حضانة و ابتدائى ،
يعنى بذمتك انتى مش احلى من عبير ام ضب ، و لا هناء اللى دمها زى السم


انا : يا ماما القرد فى عين امه غزال انتى علشان ماما شايفانى حلوة ،
و بعدين لما يجيلى عريس كويس هاوافق علطول




ماما : طيب ايه اللى ماعجبكيش فى الدكتور مجدى ؟؟؟؟؟؟؟؟


انا : دكتور مجدى مين ؟


ماما : الدكتور اللى جالك و انتى فى 3 ثانوى


انا : يا خرابى يا ماما انتى لسة فاكرة دة الموضوع دة عدى عليه زمن يكاد يكون قرن
و انا كنت صغيرة و كان عندى 17 سنة و هو عنده 33 سنة


ماما : اه صحيح دة من زمان و انا كمان حتى رفضته ، طيب ليه ما اتجوزتيش ياسر ؟؟؟؟؟


انا : يا ماما انتى بتكلمينى عن حاجات حصلت ايام الجامعة ليه ؟؟؟؟؟؟؟


ماما : طيب ليه ما اتجوزتيش محمد ؟؟؟؟؟


انا : محمد مين ؟ اللى بيعزف فى الاوبرا ؟؟؟؟؟؟


ماما : ايوة هو دة


انا : انتى ناسية انك قلتى لا علشان علطول ايده فى مناخيره


ماما : اه الواد دة كان مقرف اوى


انا : انسى بقى و اقفلى على الموضوع دة


ماما : طيب يا بنتى اخرجى علشان خاطرى الناس بتتجوز كدة


انا : يا ماما ارحمينى انا زهقت بقى من السيرة دى ما انا بخرج بس مش معقول هاخرج كل يوم ،
انا بحب البيت اكتر و بزهق من الخروج


ماما : طيب روحى عند سالى


انا : يا ستى كنت عندها من اسبوع هى صورة و بعدين البنت متجوزة عايزة تكون براحتها فى بيتها
و مش معقول كل ما اروحلها تتصلى بيها تقوليلها ، لو بنتى رجعت من غير عريس هازعل منك ،
هو حد قالك انها خاطبة


ماما : انتى خلاص مابقيتيش عايزة تسمعى منى كلمة ، طيب اخوكى عايز يتجوز


انا : طيب و انا مالى ، مايتجوز انا دخلى ايه ؟؟؟
و بعدين يا ماما دة اصغر منى بسنة و يا دوب مرتبه مكفيه و شقته فى مكان مهجور ،
و اصلا هو مش مرتبط و لا فيه واحدة فى دماغه مين اللى قالك انه عايز يتجوز ؟؟؟


ماما : محدش بس انا عرفتها لوحدى ، انا يا ضنايا حاسة بيه و عارفة


انا : لا حول الله يا رب طيب انا مليت بجد من الكلام دة
و عصبت انا هانزل هاروح عند عبير عايزة حاجة اجيبها و انا جاية ؟


ماما : هاتى عريس و انتى جاية


و يسدل الستار و انا بشد فى شعرى و بفكر انتحر ايه رايكم فى الموضوع ده

انا مش عارفة هما مستعجلين علينا ليه


انا عايزة اشوف الردود الجامدة
و الا هزعل جامد :°=°: :°=°: :°=°:

هههههههههههههههههههه
موضوع طريف و ممتع جدا
يسلمو اية

ههههههههههههههههههه يسلمو ايدينك آية موضوع وقصة جميلة وطريفة كتير 

هههههههههه حلو كتير أيه (هاي معلومه جديده)ماكنت بعرف أنو بنات يتزوجو بالصالونات (وأنا أن شاء الله راح أتزوج مروان)بس أنتو أدعولي يا جماعه

ميرسى على كل الردود الجميلة دى
خلكوا متافائلين يا بنات ان شاء اله خير
ان شاء الله مش هتعنسوا
هههههههههههههههههههههه
تسلموا على المروووووووووووووووووووووووور

يسلمو اية موضوع طريف

ميرسى على ردك يا نها

هههههههههههه
يسلمو حبيبتي

ميرسى على الردود الجامدة دى

هههههههههههههه
موضووع حلو كتير
يسلمو ايه

ميرسى على الرد يا امانى

هههههههههه
مرسي ايه على الموصوع كتير رائع
يسلمو

شكرا على الردود الحلوة