حكايتي مع مروان

السلام عليكم
انا عملت هالموضوع حتى نخلي الكل يحكو عن قصتهم مع مروان
قصة اعجابهم و حبهم و عشقهم للغالي مروان خوري
فياريت الكل يارك و يحكي قصتو مع مروان



رح ابدا انا

قصتي مع مروان ابتدت مع ياشوق الي لما سمعتها اول مرة اسرتني بكلماتها و الحانها و ستايلها
كنت وقتها طالبة بالجامعة و ماكان عندي وقت للاغاني و لا للفن كان اهتمامي بس بدراستي خاصة اني كنت اقضي طول اليوم برا البيت
على كل عجبني الفنان الي يغني ياشوق من كل النواحي و فكرتو وقتها شقيق او قريب ربيع الخولي لاني كنت مفكرة انو اسمو مروان الخولي
و قلت والله هالمروان احلى من اخوه و رح ينجح اكثر
و مرت الايام و نسيت مروان بس الاغنية بقيت عالقة براسي و ديما احاول افتش عنها في اي قناة بس للاسف ماقدرت شوفها غير مرتين او ثلاثة في الاخر
بعدها طلعت عز الحبايب و يا الله شو عشقتها هالاغنية و لساتني بعشقها
اعجبت بيها بصورة غير طبيعية و ما اجا ببالي و لامرة اني افتش عن كاتبها او ملحنها لاني ماكنت مهتمة بالفن من اصلو
و في يوم من الايام كنت ببيت خالتي مع اقاربي و كان موحي الي كلكم عارفينو جالس جنبي و انا كنت عم قلب القنوات و مريت بروتانا و كان فيها وقتها كل القصايد
ما وقفت و ظليت قلب فوقف موحي و اخذ الة التحكم من ايدي و قلي اسمعي هالاغنية و قوليلي رايك و خلى روتانا الي فيها كل القصايد
و سمعتها و ذبت فيها و دخت في الابداع الي فيها
كنت مبهورة بالحرفية بالتحكم باللهجة الفصحى و العامية
قلي يومها موحي هالاغنية من كلمات و الحان هالفنان سالتو عن اسمو قللي مروان خوري
كان الاسم موغريب عني سامعتو من قبل بس ماحاولت اتذكر وين و امتتى حتى في يم و انا بتفرج ع التي في لقيت ياشوق و شفتاسم الفنان
و اندهشت معقول يكون هاد نفس مروان كل القصايد؟
هو نفسو شقيق ربيع الخولي؟بس ليش واحد خوري و الثاني خولي
ما كنت متخيلة ابدا انهم ما بيقربو لبعض
و من وقتها صرت مهتمة اكثر بالفن
و كنت احب ديما اسمع ستايل معين و ما بتعجبني اي اغنية يعجبني اللون الرومانسي
و مع كليب خذني معك كان لي قصة حلوة برشاااااااااا
كنت عم شوف كواليس الكليبات على روتانا و شفت يومها كواليس خذني معك
حبيت اعرف اسم الفنان لانو عجبني برشا شكلا
و ظليت تابعة الكواليس و انبهرت باخلاق مروان و ضحكتو و خاااصة خجلو و براءتو
قلت وقتها معقول فيه فنان بالرقة و الجمال
بس كل هاد و لا شي لما عرفت انو هو كاتب الاغنية و محنها
انصدمت عن جد و الله
و انصدمت اكثر لما نادتو المذيعة "مروان خوري"
معقوووووووووووووووووووووووووووووووووووول
هو نفسو مرة ثانية
شقيق ربيع الخولي
بس هاد لبناني و الثاني سوري
و عرفت اخيرا انهم مابيقربو بعض
و من يومها صرت لما بشوف مروان بالتي في اتاببعو و اسمعو
و جات وقتها فكرة ببالي بما انو هالفنان شاعر و ملحن ليش مابشوف اذا ملحن لغير فنانين
و طبعا لقيت اغلب الاغاني الي انا بحبها من كلماتو و الحانو
و في يوم و اناقدام التي في ما بعرف على اي برنامج ولا اي قناة شفت مروان عم يغني عز الحبايب الي ان بموت فيها
اندهشت بالاول و قلت ليش مروان يغني اغنية فنان ثاني؟
و ما بكذب بديت اكرهو
بس بعد مدة قصيرة كان صابر الرباعي في برنامج تلفزيوني و حكى شي صدومني
انو الاغنية من كلمات و الحان الفنان الشامل مروان خوري
يا الله انا ظلمتو مروان
و رجعت احب مروان من جديد
الى سنة 2006
كانو معلقين بوستارات مروان خوري في كل مكان بصفاقس لانو كان عندو حفل ب2/8/2006 نفس يوم حفل زفاف ابن عمي
يعني يا احضر العرس يا احضر الحفل
بتذكر منيح قبل موعد الحفل بيومين شاف زوجي ابوستر و الاعلان و ظل يضحك عليا و يقللي يلا روحي احضري مروان مو بتقولي انك بتحبيه
و ماحضرت الحفل و انقهرت
و في يوم 13/8 كتنا ببيت جدي الصيفي بسيدي منصور و اجتني دودو و قالتلي
عندي مفاجاة ماصدقتها وقتها و قلت شو المفاجاة في هالحر رح تنزل مطر يعني
قالتلي مروان خوري ماعمل حفل يوم 2/8
و رح يعملو اليوم بمسرح سيدي منصور
وااااااااااااااااااااااااااااااااااااااااااااااااااااااااااااو
تخيلو فرحتي و فرحة دودو
ظلينا متعانقين انا وياها و نقفز و اندهشو الكل منا
فكان اول شي خطر ببالي زوجي
اتصلت بيه فورا و ما حكيتلو و لا كلمة كنت عم اضحك بس
فاتصل هو بماما و سالها فخبرتو انو انا فرحانة لاني رايح ع المسرح انا و دودو
و كان يومها رفيق اخي بالبيت فاخذنا ع المسرح في عز الظهر و الحر
نزلت دودو و راحتع شباك التذاكر و قالت للراجل الي هناك "رح يجي مروان او لا اليوم"
قلها انت شو بتحبي ؟ يجي او لا؟قالتو طبعا يجي
ضحك و قلها مروان في تونس و هلق هو في طريقو لصفاقس
و تخيلو الموقف
دودو تصرخ "نبال جا جا مروان في تونس"
و انا من السيارة رح جن و رفيق اخي مثل الاطرش في الزفة
مو فاهم شي
و اجاالليل و رحنا ع الحفل
حلم و تحقق
مروان خوري قدامنا واااااااااااااااااااو
و الله بتذكر كل لحظة بالحل
كل كلمة كل حركة لمروان
كنا انا وودو الوحيدين بالمسرح الي ما سكتنا و ماقعدنا لحظة
و نست كل شي حتى زعلي من زوجي الي رفض يروح ع الحفل معي
كانوا ساعتين من الخيال و الاحلام
مروان لاحظ كيف نا ودودو ماسكتنا فقال جملة ما بنساها طول حياتي قال يلا الجمهور الي قدامي غنى و تعب (و اشارلنا بايدو انا و دودو) بدي الباقيين يغنو معي هلق
و ظلينا طول الحفل تغني و نصرخ
و لما خرجنا من المسرح كنا لساتنا عايشين الحلم و نغني و اخي و اصحابو انو سكتونا و احنا نغني
و لما وصلت البيت سالني زوجي عن الحفل فما لقيت صوت حتى اقلو على الاقل نعم
بحيييييييييييييييييييييت من الغنا و الصريخ

و اشتركت من وقتها بجروبات مروان و عرفت احلى ناس و احلى اصحاب و زاد حبي ليه كل ما احكي مع اي فان اخر
وفي سنة 2008 رجع مروان على تونس بس هالمرة ما رح يجي لصفاقس
كنت حابة نروح على قرطاج بس الظروف ما سمحت
و قررنا انا ودودو نروح على سوسة يوم 21/7/2008
بس قبل بيوم اتصلو ناس منشان يخطبو دودو و قالو انهم جايين عندنا يوم الحفل المسا
فدودو طبعا من قبل ما تشوف العريس قالت و الله لو ظل هو بس بالعالم ما بتزوجو لانو رح يحرمني حفل مروان
و اجو الناس و ما كانو يروحو الا قبل الحفل بساعتين و احنا نبعد عن سوسة مدة ساعة و نصف او ساعتين
طرنا يومها بالسيارة و كنا طول الطريق نصيح بسرعة بسرعة
وو صلنا و كمان مرة شفنا مروان بس هالمرة م مكان اقرب
شفنا كل ملامحو بالتفصيل
كان يرقص و يغني و يضحك
و احنا كنا نتحرك و نغني و نصرخ مع كل حرف ينطقو
و كمان كنا بالمسرح الوحيدين الي حافظين كل اغانيه و رددنا معو القديم و الجديد
و انتبهلنا مروان و ضحكلنا و عمللنا "باي" بايدو
كنا رح نجن
بس للاسف ما قدرنا نحكي معو شخصيا لانو الوقت تاخر و لازم نرجع لصفاقس
بس كانت من احلى ذكريات حياتي
و حبي لمروان من اول يوم عم يكبر
و مابتخيل يجي يوم و اعشق فنان غيرو ابدا


يلا ناطرة قصصكم

شكرا بلبل
على الفكره والموضوع ...
"حكايتي مع مروان "

راجعه للموضوع قريبا ان شاء الله
تسلمي يا بلبل

تسلمي بلبل عالموضوع, تركتيني عيش معك هاللحظات الحلوه
أنا رح حاول أختصر قصتي لأنه تأخرت بالسهر, وبكرا عندي شغل
يمكن ولظروفي الخاصه وحرماني من حنان الأم وانا زغير, كبرت بحب كل شي حزين نوعا ما,
فأول مااستوعبت شي إسمه فن حبيت فيروز بالفتره لي كنت بلبنان يعني من سن ثمان سنين لفوق, بعدين سمعت عبد الحليم وصرت مدمن حليم,
بس بعدا بفتره , كنت بسمع أغاني مختلفه لمجموعة فنانين وبحس أنه في قاسم مشترك بيناتا, ماكنت بعرف أول شي أنه هالقاسم المشترك هو مروان, ع سبيل المثال حبيت غنية طلع فيي وكيف ما أسلفتي بلبل عز الحبايب وكزا غنية, كمان سمعت يا شوق وحبايتا, بعدين اكتشفت هالقاسم المشترك يالي هو مروان خوري, اكيد الإسم ما كان غريب كثير, خصوصي وإنه كان معي بنفس الصف واحد رفيق إلي بيدرس معي بعمشيت إسمه الثاني الخوري يعني ألف ولام زياده.. ع كل حال تعرفت بعدين ع مروان من خلال كليبات وأغاني أكثر, وكان من الطبيعي حب كل أغانيه وألحانه وكمان كلماته الرائعه,
الشي لي بستغرب منه, إنه لما كنا بلبنان كان والدي إله محل خاص بمواد البناء بكل أنواعها, طلع بعدين بيعرف بيه لمروان,, كانت مفاجئه إلي أنه الفتره لي كنت فيها بعمشيت بركي كان مروان بيمرق حدي بلا ما أوعى بشي, ماكان حدا بيعرفه ساعتها,
عم فكر بحال هالدني, الحياه بتبرم وبتبرم لإجا الوقت بعد كثييير سنين والتقينا هون بالمغرب بعد ماكان بنفس بلدة مسقط رأسي
خبرته أنه أنا من مواليد عمشيت وكانت المفاجئة بعيون مروان وكمان كلود لي سأل بسرعه من واين من الجبل أو البحر؟؟ فقلتله من الجبل فرد مروان بعفوية ونحنا كمان, من هون عم شوف أنه كل عيلة مروان إلها تواضع مميز وهايدا سر نجاح مروان وعيلته
بالتوفيق لمروان وبتمنى أنه كون وصلت شوي من تعرفي عالمبدع الرائع الدي لا يضاهى أبدا أبدا
تقبلو مروري

ترددت كثيرا قبل أن أرسل لكم قصتي لا أعرف كيف أبدأ أو من أين أبدأ ؟؟؟

قصتي بدأت في سنة 2003 عندما رأيته على شاشة التلفاز لفت نظري بشخصيته الجميلة وصوته الرائع منذ ذلك الوقت بدأت أتابع أخباره وأعماله وأصبح بالنسبة لي هو المطرب المفضل والوحيد بلا منافس

أصبحت أسأل عنه وأبحث على الانترنت عن كل منتدى يهتم به ولم أترك منتدى ألا وسجلت اسمي فيه وفي عام 2004 عندما صدر ألبومه : كل القصايد أصبح اهتمامي به مضاعف وملفت للنظر

بدأت بجمع جميع ألبوماته وأغانيه وحتى أعماله التي كان يعطيها للفنانين من كلماته وألحانه ومن شدة اهتمامي وتواجدي الدائم في المنتديات أصبحت معروفة باسم صاحبة أرشيف مروان خوري وبدأت فعلا اعمل على هذا اللقب كل مقابلاته وحفلاته التي كانت تسجل من قبل شخص من المنتدى كنت احتفظ بها كلها

يعني باختصار أصبحت حياتي مرسومة بعيني هذا الفنان

وسنة بعد سنة أصبح هذا الإعجاب يتحول إلى حب وليس إي حب

مرة سمعت أنه سيكون له مقابلة بإذاعة سورية وعندما سمعت الخبر لم أنم ليلتها لكي أرتب للقائه وقلت في نفسي لن أفوت هذه الفرصة حتى لو كلفتني حياتي

بالفعل في اليوم الثاني اتصلت على الإذاعة واتفقت مع المذيع الذي سيجري معه المقابلة بأن يسمح لي برؤيته ولو لخمس دقائق

وجاء اليوم الذي سأقابله به و منذ الصباح استيقظت و بدأت أرتب نفسي كأنه يوم ميلادي والناس كلهم سيحتفلون بي لبست أجمل ما عندي من ثياب وتزينت بأحلى زينة

وذهبت في الوقت المحدد حتى أنني كنت قبل المقابلة بساعة أحضرت له باقة من الورد الجوري الأحمر لأنني أعرف أنه يحب هذا النوع من الورد ومع الباقة هدية تليق بمقامه لكن بالطبع كل الهدايا رخيصة بالنسبة لقيمته عندي

المهم جلست أنتظر حتى انتهت المقابلة رغم أن الوقت الذي انتظرته كان طويلا جدا تقريبا كان أكثر من ثلاث ساعات ولكن ذلك لم يهمني

عندما رأيته لا أقدر أن أوصف شعوري كان المكان يعج بالصحفيين وكنت أنا المعجبة الوحيدة أصبحت أستأذن من هذا وذاك كي أصل وأكون قريبة منه ووصلت ووقفت بجانبه وكانت فرحتي لا توصف وأخيرا أنا بجانب حبيبي الذي كنت أحلم من سنين أن ألتقي به كانت يداي ترتجفان عندما صافحته ومن حسن حظي أنني استطعت أن اتفق مع مصور كان موجود هناك ليصورني

كم تمنيت أن أهمس بأذنه وأقول له : أحبك وتمنيت أن يدي لا تفارق يديه لكن ما الفائدة هل سيبادلني ذات الشعور؟! مستحيل سيعتبر محبتي ومشاعري كلها بسبب إعجابي بفنه لن يصدق أنني أحبه لشخصه حتى لو صدق ذلك , أبسط شيء ممكن أن يفعله لو علم بحبي له هو الضحك بأعلى صوت واتهامي بالجنون ...

أصبحت أبعث له بالهدايا في يوم ميلاده وكل فترة كنت أتصل على مكتبه للاطمئنان عليه وعن صحته

ومن فترة حاولت أن أنساه ويبقى بالنسبة لي فناني المفضل فقط لأنني أدرك أنه من المستحيل أن يكون من نصيبي

ولكن للأسف يوما بعد يوم كان يزيد حبي له وشوقي لرأيته كل هذا وهو ليس بجانبي ولم أراه سوى مرة واحدة ولم أسمع صوته ألا بضع دقائق



ريم عمار من سوريا

انا كتير مقدرة مشاعرك لانو أناكمان بحس هيك ويمكن اكتر من هيك و بتخيل انو كتير اعضاء بالمنتدى عندهم نفس الشعور
ميرسي ريم على هيدا الموضوع الجميل منورة المنتدى و ان شاء الله حبك لمروان يزيد يوم بعد يوم اكتر و اكتر

وانا كمان ياريم ونهي بحس نفس الاحساس مع اني للاسف مشفتش مروان
ولا مرة بس يارب اشوفة بجد شكرا ريم علي الموضوع
[ندعوك للتسجيل في المنتدى أو التعريف بنفسك لمعاينة هذه الصورة]

حلوالله احساس حلو كان مع مروان
وبالعكس انتي وقت ما تحبي تنزلي موضوع نزلي

المهم
يعطيك العافية وشكرا كتييييييييييير

وااااااااااااااااو
فعلا ياريم كل كلمة كتبتيها لمستني شخصيا
وكل احساس طلعتيه بهالكلمات بحس فيه من كل قلبي
هالشعور بحس فيه لما بشوفو بأحلامي
بأحلااااااااامي ياعالم
كيف لو صار هالشي حقيقة
بتمنى من كل قلبي يصير هالشي
وبشوف مروان قبالي
يااااااااااااااااارب
بشكرك على كلماتك المعبرة واحاسيسك الصادقة ريم
تحياتي