تحليل اغنية "فكرت نسيت"

مسا الانوار ع الجميع مروانيين و مروانيات
حبيت و انشالله توافوني انو كل اسبوع ناخذ اغنية من الالبوم و نحلللها على طريقتنا
رح ناخذها من جميع النواحي
الكلمة و اللحن و التوزيع والتسجيل و الاداء
و رح نعطي اراءنا بكل صراحة بدون مجاملات او بروتوكولات
و هالاسبوع نبتدي باغنية "فكرت نسيت"
يلا كل عضو يحكي شو هي "فكرت نسيت" و كيف بيشوفها

اكيد ابداع مرواني جديد و رائع بدون شك
تجانس في اللحن و الكلمة بدون منازع روعة في الرقي
ابداع تعودنا عليه اكيد
حبيت المقدمة بصوت مروان
بس لما قال
"حبيتك والقلب مسكر ولا لحظة انا كنت مفكر"حسيت بشي غريب في هالكلمات احساس رائع"

شكرا ع المشاركة رباب
انا عن نفسي هالاغنة بتاخذني لبعيييييد لما بسمعها
بحس انو مروان عم يحكي مع حبيبتو مباشرة و كانها واقفة قدامو
في الاول بيشتكيلها انو بعدها عنو نساه الحب بس برجعتها ووقفتها قدامو رجع قلبو يدق
و لما بيقول "وحياتك حبيتك اكثر ما حدا بهالدنيي بيتصورو هالمرة اكييييد حبيتك و القلب مسكر و لا لحظة انا كنت مفكر ارجع حن و ارجع اسهر و حب من جديد" في شي غريب و حلو في نفس لالوقت في صوت مروان
بتحس انو قلبو صار يحكي مو لسانو
في دمعة و بسمة بهالمقطع بالذات
انا بشوف انو الاغنية كاملة تتلخص بهالمقطع بالذات
و اي انسان يسمع هالكلمات و ما تتحرك مشاعرو هو انسان مجرد من كل احساس حلو بالدنيا
و من ناحية اللحن مروان عرف منيح كيف يلعب باللحن و مع كل كلمة تحس انو لحن جديد و اغنية جديدة
بالنسبة للتوزيع يعني موش حلو جدا
عادي جدا وواضحة فيه بصمة ناصر الاسعد المتعودين عليها و عليه و توزيع الاغنية بيفكرنا ب"ليل مبارح" من البداية الى النهاية
و التسجيل حلو جداااا تنويع مميز بين اصوات الالات
و كانو كل الة عم تعزف من مكان مختلف و تجتمع كلها في نفس المكان من جديد
اغنية تعدت كل حدود الرومانسية العادية
مروان ابدع بكل ما في الكلمة من معاني
صوت و اداء و لحن و كلمة
اغنية بتمنى تتصور كليب لانها من ستايل مروان و اكيد كل عشاقو بيستنو منو كليب يعكس شخصيتو الي متعودين عليها خاصة بعد التنويع الي رح نشوفو باذن الله مع اغنية " تم النصيب"

حلوة بتجنن بحبها كتير فيها اللون الرومانسي الي انا بحبو

شكرا ع الموضوع وع الفكرة

فعلا أغنية فكرت نسيت رائعة
بس في التوزيع كنت اتمنى الموسيقى ما بين الكوبليهات تكون افضل من هيك والموسيقى في الختام
اعتقد تعتمد ع التوزيع
اعنية كتير رائعة حلوة فكرة مروان وهو يتكلم قبل ما يغني

يعني اغنية اجمالا حلوة
فكرة واداء كانت جديدة
نقصها التوزيع كنت اتمنى تتوزع احلى من هيك
ومعروف عن ناصر الاسعد التوزيعات العادية اللي ما يتعب فيها

بتجنن كتير بحبها بحسها كتير قريبة مني

انا انبهرت بهذه الاغنية وياريت مروان يوزع اغانيه بنفسو

موضوع حلو بلبل
رح ارجعلو بس اروق لأني تعبت وانا عم رد عالمواضيع ههههههههه