من طرف Nouha الثلاثاء 25 يناير 2011, 3:27 pm
شكرا فاطمة على توصيل الخبر سوري لاني تأخرت عليكم ما كنت بقدر اني ادخل للمنتدى انا حاولت شوف اذا كان في اعادة للبرنامج الي اتصل فيه مروان بس لقيت انو برنامج بيحطوه 24 ساعة نظرا للضروف الاستثنائية الي عم تعيشها تونس بس رح قلكم شو قال اجمالا
هو اتصل بالقناة حنبعل التونسية و حيا شعب تونس على هالثورة و قال انو هو لما ابتدت الاحداث ما كان بلبنان بس هو كان عم يتابعها اول بأول و تمنى الخير للشعب التونسي من كل قلبو لانو بيحبو كتير و عندو كتير اصحاب توانسة و قال انو ممكن كتير ناس تستغرب من ثورة الشعب التونسي لانو معروف انو شعب رايق و هادي بس هو ما استغرب ابدا لانو بعرف انو الشعب التونسي شعب قوى و هادي و بيعرف كمان ان الهدوء ممكن كتير يخبي ثورة و قال كمان انو التوانسة عملو ثورةبطريقة كتير حضارية بتبهر
فسألتو المذيعة و قالتلو ما تتصور انو هاالانفلونزا متع ثورة الشعب التونسي ممكن تنتقل لبقية دول العالم العربي فضحك و قاللها انو هي عم تنتقل للعرب و في ناس من دول تانية صارو عم يحرقو حالهم متل ما صار في تونس و قال انو هالثورة هي حدث هام في العالم العربي
فقالتلو المذيعة انو هي كانت بتعرف انو هو فنان في المجال الفني بس لكن هي عرفت هلق انو فنان في الكلام كمان وحييتو و شكرتو على المكالمة فقاللها ميرسي و تمنى الخير لتونس في المستقبل و خلص الاتصال
و على فكرة هالمذيعة انا بتعجبني من قبل لانو عندها مواقف قوية
انا بدي قول ميرسي لمروان لانو فعلا اثبت حبو لالنا و ساندنا بفترة صعبة بتونس مش متل بقية الفنانين الي تونس بتفتحلهم ابوابها كل صيف لما بيجو لتونس بيقولو تونس بلدي التاني و ما بعرف شو و لما يروحو كمان لاي بلد عربي تاني بيقولو انو هالبلد هو بلدهم التاني و هيدا شي بيضحك و بعدين ما حدا منهم بتكلم او يعلق بحدث متل هيك باستثناء تانر حسني كمان لانو هو كمان شاند الشعب التونسي و على فكرة مروان عمرو ما قال انو تونس بلدي التاني هالعبارة الي بتناقلها كل الفنانين بس هو كان فعلا الي جانب الشعب التونسي و اثبت حبو لالو مش بس بالكلام بس بالفعل و مروان كان و رح يكون ان شاء الله واحد منا و هو كل مرة بيجي لعنا بينورنا و هيدا كلام وحدة تونسية بقطع لاالنظر عن اني من الفانز
و هيدا دليل انو مروان لما يقول انوبيحب و بيقدر شعب فهو مش عم يقول كلام فاضي و انو بيحكي من قلبو و هو بيحب كل الشعوب
